ରାତି ପାହି ହେଲା ସକାଳ
କବି: ଅଧ୍ୟାପକ ହିମାଂଶୁ ରଥ
ରାତି ପାହି ହେଲା ସକାଳ
ହରିଦ୍ବାରେ ଶୁଭେ ଚହଳ
ଜୀବନ ଯନ୍ତ୍ରଣା ଅସହ୍ୟ ହେଉଛି
ଶରଣ ଯାଉଚି ହେ ଆଦିମୁଳ
ବଳାଇଛି ମନ ହେ କଞ୍ଜନୟନ
ଦେଖୁଥିବି ତମ ଚନ୍ଦ୍ର ବଦନ
ପକ୍ଷ ଦେଇଥିଲ ପାଣ୍ଡବଙ୍କୁ ବୋଲି
ବିଲୟ ହୋଇଲେ କୌରବ ସୈନ୍ୟ
ଟଙ୍କଧର ପରା ତୁମଠୁ ଅଭିନ୍ନ
ତୁମେ ଟଙ୍କଧର ନନ୍ଦନନ୍ଦନ
ନାଗଲୋକ ଠାରୁ ସ୍ୱର୍ଗଲୋକ ଯାଏଁ
ନାମକୁ ଗାଆନ୍ତି ବ୍ରହ୍ମାନନ୍ଦନ
ଏଣୀଗଣ ପ୍ରାୟେ ଏ ମୋହର ମନ
ଲୋଭଗ୍ରସ୍ତ ପୁଣି ମାୟାରେ ଆଛନ୍ନ
ତୁମ୍ଭ ବିନା କିନ୍ତୁ ଏ ସଂସାରେ ମୋର
ଜଣେ କେହି ନାହିଁ ଆପଣା ଜନ
କରଯୋଡି ମାଗୁଛି ଏତିକି
କଳାରୁଦ୍ରମଣି ପଦାରବିନ୍ଦରେ
ରଖିଥାଅ ସଦା ମୋର ମତିକି
